Mon aser Zunheboto na nung Induction training agi

Dimapur, April 18 (TYO) : April 18, 2017 nü District Executive Hall, DC office Mon nung State Sorkar mapa inyaker tasenpur, group B & C atema tanabuba induction training sentong agiogo.
ITP nung Dy. Director (Training) & Nodal Officer, Er. N. Moa Longkumer-i iba training sentong indang temetettsütem rasaa ashi.
Pai, sorkar mapa inyaktsü asoshi shimtetertemji parnok nem lemzüktsüba mapa takok ngua inyaktsü asoshi sorkari sen dalang agütsür, anungji asenoki asen mapa meteta ochi agi bendanga agüja inyaktsü tim, ta ashi.
Iba sentong nung Mon Deputy Commissioner, W. Honje Konyak tetushi tejaoker liasü aser Mon SDO Civil Ilika Zhimomi menden asü.
Iba sentong ya Administrative Training Institute Nagaland: Kohima-i District Administration, Mon den lokteper ayong aser training ya April 28, 2017 nü tembangtsü.
Ano Zunheboto nunga sorkar mapa inyaker tasen Group ‘B’ &’C’ pur tem atema induction training sentong agiogo.
Iba sentong asoshi sen teyari DoPT, Government of India (GOI)-i agütsü aser ATI, Kohima-i ayonga agi.
Iba sentong Zunheboto Hq nung ADC, Nungsangmenla Imchen tetushi tejaoker süa lapoktsü. Lai, tan training nung angazükbaji mapa nung kanga nüngdaktsü, ta ashi.
Training nung mapang amshiba aser lenisütsü den ano tanga tongtibang onük aika nung ajemdaker tesayuba agütsü. Iba sentong nung Zunheboto SDO (C), Holohon Yepthomi menden liasü aser Zunheboto district ITP nung Programme Coordinator Dr. Alem W. Longchar ITP sentong ondang temetettsü kar lemsatep.