Mon bosti Ao Lanur Telongjem-i Tsüngremmong amung

Dimapur, August 7 (TYO) : August 4, 2016 nü Mon Bosti Ao Lanur Telongjem-i BJP Dmp-II President, I. Tongzuk Lemtur’er kidang Tsüngremong benjung amung.
Sentong nung Rongpangmen Baptist Church Mon Bosti sannüker L. Meren-i temoatsü meshia sarasadem, I. Tongzuk Lemtur-i tesentepertem pela agizük, Mon bosti Ao Lanur Telongjem-i sobaliba ken ka aten aser Onentoshi Jamir-i Tsüngremmong teratet metetdaktsü.
Sentong nung tetushi süa jaoker Moatoshi Lkr, Addl director(Retd) Land Resource Department, Mon bosti village committee Chairman, Ao Senso Telongjem Mon bosti tir aser Dimapur Ao Lanur Telongjem(DALT) tir nungertemia o tatsütsü jembi.
Tatem nung MALT executive member Imna Jamir-i anküp tepela o jembi aser Youth Director RBA Sunep-i tenüngsang agüja sarasadema sentong tembang aser iba sülen tesenteper ajak I Tongzuk Lemtur’er kibongi renemtsüba benjung chiyung chiyungteper sentong tembang.