Mon Chamber of Commerce & Industry anenogo

Dimapur, June 6 (TYO) : June 3, 2016 nü mendenpurtem, sanen luden züngsemtem aser dokan kiburtem külem senden ka nung tatsü-talang ajak jembiba sülen Mon Chamber of Commerce & Industry anena atatsü telemtetba agi.

Dokan kiburtemi ken o kar benokba nung ajemdaker iba telemtetba agi aser June 3 nungi tenzüker MCCI indang tebilemtsü khuret ajak ken o benokertem atema lennir Wangpoh aser Wangai na nem nungloktsüogo.

June 7 nü Mon Head Office nung anepdang 10:00 ako nung MCCI ketdangpur tasen shimtsü atema senden amentsü. Anungji, executive members ajak iba senden nung arua adantsü mepishir, ta Wangpoh aser Wangai nati sangdong ka nung metetdaktsü.