Mon DC & DEO-i Electoral enrollment atema sangdonger

Dimapur, Sept. 27 (TYO): Election Commission of India-i August 23, 2017 nü Special Summary Revision of Photo Electoral Rolls 01-01-2018 nungi agitsü tuyuba nung ajemdaker Mon DC aser District Election Officer, W.Honje Konyak-i Heads of Dept., NGOs, Arogotem aser yimtenren party tem aser külem tenzükertem aser peipei reju nung züngsemtem dang E’Roll nung enrollment reprangtsü aser enroll süa melira enroll asütsü, anaben enroll süa lira tenüng indoktsü aser nüngdakba nung temelenshibatem agitsü metetdaktsü.
W. Honje Konyak-i ashiba agi, district nung Electoral Population (EP) ratio ji shilem 50 dang tajemba alir; district nung arishi küm 80 ser temapur enrolment shilem 321 (2017 population census electoral enrolment 3618) den medemdangra arishi küm 18-19 pur shilem 15 dang enroll süa lir.