Mon DC-i Edith Douglas High School ki tasen lapoktsü

Dimapur, February 1 (TYO) : January 30, 2016 nü Mon nung Edith Douglas High School indang School ki Tanlao ward nungi Papong ward-i belenogo.

Iba sentong nung Mon DC, KU & KSU nungi lennirtem, tanga private School nungi headmaster aser public lennirtem aden aser KBCM Pastor, Nahngom-i school ki meshiteta sarasademtsü.

Iba sentong nung Mon Deputy Commissioner, Honje Konyak-i o jembidang, school ketdangser nem academic session metenzükdang school ki tasen yangluzükba atema tenüngsang agütsü.

Paisa, School managing board-i teaching staff den amalitep lia aser kanga dang kümdanga mapa inyaktsü ayongzükba den külemi tsüraburtem aser public-ia kaketshirtem tarutsü asoshi bilemja school den yariteptsü ajungshi.

School ki tejenba kimung anentsüh aser ali anenoka aiba timtem aliba agi pai school managing board dang school kimung melentsü atema tetuyuba agüja liasü, ta Mon DC-isa ashi.

Iba sentong nung mendenji Assistant Head Master (EDS), Lichemse Sangtam liasü, St. Peter’s hostellers, Mon-i ken ka aten, Vice President, KU, Vice President, KSU aser Chairman (School Managing Board) nungeri o tatsütsü jembi aser M.K Mani (Head Master EDS)-i anküp tepela o jembi.

Mon nung Edith Douglas High School ya nija school tejentem rongnung ka lir. 2012 küm nungi Tanlao ward nung anentsüh aser ali anenoka aiba timtem adokba agi iba school ki tesem belentsüsa aküm.