Mon DC-i ‘Local Greens’ mapatong tenzüktsü

Mon, Rongchii/April 07, 2020 (TYO): Konyak Baptist Bumeinok Bangjum (KBBB)-i anir Hills Area Development Organisation (HADO) den District Administration, Mon longjemer Mon Town telungtet nung “LOCAL GREENS” kübok aonsotsü/süngolemba anguba tashi ka, ki tongtsütsü (Home Delivery) atema maparen tenzüktsüogo, ta Mon Deputy Commisioner Mon-i metetdaktsü.
Aosotsütem ya indang indanga kidanger yimtsüngtem nungi bener aruagi ayoktsü. Tang COVID-19 wara tensa ajanga, aluyimer temi parnok alu nung züsentetba aonsotsütem shishilembadak meyoktetba agi raksaba dang masü saka anogoshia sen aazüktsü asoshi lenmang shibangtsür. Anungji, item timtem paidoktsü mechi aluyimertemi züsentetba aonsotsütem ya yoktettsüsa iba mapatong (LOCAL GREENS) tenzüktsür. Aonsotsü/süngolemba alitsü asoshi item ph no. 9862072613/8730814780 nung call mesüra WhatsApp süang aser aliba aonsotsütem tashi ki tonga bener arutsütsü. Item aonsotsü ki tonga bener arutsüba atema deleviry charge agitsü, ta sangdong ajanga metetdaktsüogo.