Mon DC-i metetdaktsür

Dimapur, Metsüremi/March 16 (TYO): Deputy Commissioner, Mon Thavaseelan K, IAS-i sangdong ka ajanga, Mon District kübok mapa mongui aliba tetsürtem (arishi küm 18 nungi 35) atema PLS Autoshell Pvt. Ltd-i (DDU-GKY kübok) March 17 nü District Rural Development Agency (DRDA) hall, Mon nung recruitment drive ka agitsü metetdaktsüogo. Iba recruitment drive nung Tourism & Hospitality luyim nung angati skill development training (sorkari sponsor asüba) agitsü asoshi candidates tem shimtsü.
Course tenüngji Food Beverage Associate asütsü aser ita trok house training aser ita ka Job training (tetsürtem atema dang) agütsütsü.
Kuli kaket tenüngdakbatem rongnung Identity proof (Aadhaar/Pan/Voters ID), ST & Indigenous Certificate, Birth Certificate, Education marksheet, Card: PL/Job/Ration/SHG certificate, passport Photo (10 Nos) densema lir.
Mapa asoshi candidate ka arishi küm 18 nungi 35 tsüngda astsüla aser tajemtib agi HSLC bo ajangteter alitsüla. Kasa mapang nung Naga nunger shirnoki India nung tesem mashi ka nung inyaktsü asoshi mulunger parnoki iba mapa asoshi benoktettsü.