Mon DC-i village council tem dang metetdaktsür

Dimapur, Metsüremi (March) 13 (TYO): Village Councils Acts, 1978, Arrla 15(1) nung aliba ama Village Council temji District Administration den teyariteper ka lir aser parnok nem law & order reprangshimtsü atema tashi agütsüba den bangdak ketdangpurtemi yimtsüng nung tetuyuba agütsübatem ketdangsüa repranger, ta Mon DC K.Thavaseelan, IAS-i sangdong ka nung metetdaktsü.
Election tembangba sülen mepetmesü/rarabangsen kar adokra aser meimchir takümtem mesüra public/nija kiojenten asoshi lendong bentsür arura, lendong atalokba Village Council-i iba tebilemtsüji abentsü aser sen 50,000 senchi achiba den Village Council anentsütsü akok, Mon DC-isa ashi.
Village Council kari yimtsüng nungi GB/yimer kar party/candidate kar nem vote agütsüba atema tai tonglokja aridoker ta osang angazüker. Iba osang ya shitak ta bushitetra ketdangsertemi Village Council dang senchi achiba den anentsütsü, ta paisa metetdaktsü.