Mon district CAB senden menogo

Dimapur, Mongputeni/October 22 (TYO): October 22 nü Mon District CHILDLINE ADVISORY BOARD (CAB) mendenbuba aser Mon DC Thavaseelan K, IAS lenisüba nung Mon District CHILDLINE ADVISORY BOARD senden menogo.

Iba senden ya DC lenisüba nung agi aser paisa Nagaland CHIDLINE State Report 2020- 2021 sayaja liasü. Board senden nungsa district nung CHILDLINE inyakyim dak sendakba nung sensaksema liasü.

Maneni Nodal Director, Subonenba Longkumer-i o tatsü ka jembi, kong pai CHILDLINE 1098 Nagaland, inyakyim, intervention model, tanurtem kümzüka ayutsü atema jenjang agibatem aser tanü tashi nung CHILDLINE Nagaland-i ajangzüktetbatem aser inyakyim indang metetdaktsü aser ketdangsür aser stakeholders ajak dang CHILDLINE Mon aser parnok inyakyimtem nongita yaritsü ajungshi.

Senden nungsa, district nung tanur shibelenba tejemba kümdaktsütsü aser asadanga alitsü atema committee ka tentettsü, POCSO Act & Juvenile Justice Act dak sendakba nung police aser tanga stakeholder tem den anogo ka sentong ayongzüka agitsü aser police station nung tanurtem den apet takdang ka lemzüktsütsü atema sensaksema liasü.