Mon district DPDB senden amen

Mon, Luchii/Dec. 11 (TYO): Tanü Mon DC conference hall nung Advisor Fire & Emergency Services, SIRD, Relief & Rehabilitation aser Chairman DPDB, Mon, Pohwang Konyak leniba nung Mon District Planning & Development Board senden menogo.
Senden nung onük aika nung o lemtepba sülen agizüka temaba ketdangser matsüngdang benoktsü lemtet, item onük rongnung- Edith Douglas School agi Eyong Memorial School, ta nüngja melentsü, Paramount High School agi Nyeiwang Memorial School, Aboi ta nüngja melentsü aser Wakching Town Council den Chen Town Council tentettsü dena liasü.
Senden nung Principal, Wangkhao Govt. College, Mon aser District Hospital nati Power point ajanga departmental mapatem metetdaktsü. Deputy Commissioner, Mon, Thavaseelan K, IAS menden ser senden amen.
Iba senden nung Advisor, Noke Konyak, MLA, Eshak Konyak aser Mon district kübok office balala nung tekolakpur ajak aden.