Mon District kübok Chenloisho Wangto yim tasen tentet

Dimapur, December 22 (TYO): Nagaland RD & REPA Minister, CL. John-i December 21, 2017 n Mon district kübok, yim tasen, Chenloisho Wangto semzüktsüogo.
Iba sentong nung jembidang tongti tesemdanger, CL John-i nüburtem dang longjemer inyaktsü ayongzükba den külemi danga kin danga lokti junga aotsü atema iba yim nung alitsü ajungshia liasü.
Sentong nung tetushi tejaoker, Chenmoho Village Angh, Yemwang-i yimdaklirtem dang tejakleni aotsü atema imlaba ama libalirotsü asoshi ayongzük.
Taoba mapang MLA, Shaboh-ia, iba yimtsüng tentettsü atema kanga meranga ketdangsüa inyaker yimtsü-yimbotem dang pelaba lemsatep.
SDO (Civil), Chen-i yimdaklirtem dang longjemer iba yim tasen tenzüktsü aser lokti junga inyakyima aotsü atema tangatettep nung inyaktsü ayongzük.
DRDA nungi Manching-i yimdaklirtem dang iba yimtsüng terenlok atema sorkari nungi anguba senotsü kanga shisa kaa amshitsü ajungshia liasü.
Konyak Union tatong Tir, Wangmao Ahng of Chenloisho Village, Khotai Chenmoho-ia jembia liasü.
Executive Secretary KBBB, Rev. Chemyuh Konyak-i Chenloisho Wangto yim nüngshilong meshiteta sarasademtsü aser paisa Clean Election onük nunga jembia liasü.
Sentong nung Chenloisho Village Council Chairman, N. Nokkhah-i lokti pelaa agizükba o jembi, Chingham, GB-i Chenloisho Wangto Village indang metetdaktsü aser S. Welu Konyak-i tepela anküp o jembia liasü.
Sentong nungsa Longvi Salim, Throilu Salim, Chenmoho Salim aser Chenloisho nungeri sobaliba ken ajanga shilem agi.
Tongti tesemdangerisa iba yim tasen indang Local Ground semzüktsü (iba ya BADP 2014 – 15 kübok yangluba), BADP 2014 – 2015 kübok Chenloisho nungi International Boarder tashi yangluba tesendaktep lenmang, (BADP) 2017 – 2018 kübok yangluba Government Primary School Building Chenloisho Wangto Village, SSA 2013 – 2014 kübok yangluba Government Primary School building Chenloisho Hozu aser Chenloisho Hozu indang Angh ki semzüktsü.
Paisa Waan Pan Club Chenloisho indang kensep “Lolih Wang Song” Vol. 3 sayaja liasü.