Mon DPDB senden amen

Mon, November 15 (TYO): Ita shia amenba Mon District Planning & Development Board (DPDB) senden November 15, 2019 nü DC’s conference hall nung MLA aser Chairman DPDB Mon, Eshak Konyak leniba nung menogo, ta ketadangsertem osang ka ajanga metetdaksü.
Iba senden nung jembidang pai Board züngsemtem ang Mon district ajungkettsütsü atema kanga meranga inyaktsü ayongzük.
Senden nung Board züngsemtemi o lemtepba sülen tawa 47 A/C Aboi kübok recognize asüba yimtsüngtem- Sowa Changle, Aopao Changle, Mohung Changai, L/Hongnyu aser Chindang nung VG post amenoktsü atema benoktsü agizük.
Senden nungsa Wakching jila nung Yanna Foundation School registration atema benoktsü atema agizük.
tBoard züngsmetemi Angphang yimdakj SAGY kübok proposal atema o lemtepa liasü.
Senden nung Mon Education & Forest Department-i power point ajanga departmental mapatem osang metetdaktsü aser Deputy Commissioner Mon, Thavaseelan K, IAS-i November 20-21 anogotem nung aagitsü aliba Disaster Management Mock drill indang metetdakja liasü.