Mon DPDB senden ayonga menogo

Mon, February 15 (TYO): Ita shia amenba Mon DPDB senden tanü Mon DC indang Conference hall nung Vice Chairman DPDB & Deputy Commissioner Mon, Thavaseelan K, IAS leniba nung menogo, ta ketdangsertem osang ka ajanga metetdaktsü.
Senden tenzüka DPDB nung züngsem tasenpur tejak shiotepba sülen züngsemtemi item onük benoka liasü; “Paramount High School nüngja agi Nyeiwang Konyak Memorial High School, Aboi ta melentsü”; “Public School, Aboi atema Grant-in-Aid asoshi application form”, Mon town nung LM & CP staff quarter complex yanglutsü atema application, SDPO, Tobu nung post tasen creation atema temelaba, Tobu nung Food & Civil Supplies Godown yanglutsü atema temelaba, Eklavya Model Residential School (EMRS) amenoktsü atema, Tobu Village & Tobu Town Village Guards Tuensang masü saka Mon agi melentsü atema, Mon atema SPCA constitution densema liasü.
Senden nung DIET Mon aser ITI Mon nati Power point presentation agutsü aser DC-i ketdangsüa züngsemtemi “Save the girl child” tenangzükba agia liasü.
Senden tembangba sülen EVM aser VVPAT machine amshiyim sayua liasü.