Mon, August 16 (TYO): August ita atema Mon District Planning & Development Board senden August 16, 2019 nü Mon Deputy Commissioner indang Conference hall nung menogo, ta ketdangsertemi metetdaktsü.
DC & Vice-Chairman DPDB Mon, Thavaseelan K, IAS leniba nung iba senden amen. Mon district nung Independenace Day sentong takok ngua agitetba atema DC-i DPDB züngsemtem aser Departments ajak dang pelaba lemsatep.
Senden nung SDO (C) Angjangyan, Yanthung N Ngullie-i Sansad Adarsh Gram Yojana (SAGY) Scheme indang metetdaktsüdang pai, SAGY ya rural development programme ka lir, aser iba ya yimtsüngtem nung terenlok atema lir; item rongnung loktiliba terenlok aser sobaliba terenlok densema lir, ta ashi. Angphang Model Village dak sendakba nung pai, model villages terenlokji tang aliba schemes benoka inyakba ajanga asütsü aser local sasep nunga maparen tasen kar benoka inyaksemtsü, ta metetdaktsü.
Paisa SAGY indang funding & monitoring indang metetdaktsü.
District Horticulture Officer, Mon, Eyongol aser Horticulture Inspector, Shikmeth Konyak nati slide show ajanga DHO, Mon kübok department-i inyaka aruba osang metetdaktsü. Tenatisa Mission for Integrated Development of Horticulture (MIDH) aser Rashtriya Krishi Vikas Yojana (RKVK) indang maptongtem metetdaktsü.
Hornbill Festival 2018 mapang nung Mon district nungi züsentetba naring ajanga state competition nung first aser third prize angu, ta parnokisa metetdaktsü.
You must be logged in to post a comment Login