Mon: Induction Training Programme temogo

Dimapur, March 14 (TYO) : Mon district nung State Government mapa inyaker, Group-‘B’ & ‘C’ pur nem ‘Induction Training Programme’ ATI Kohima-i District Administration den lokteper ayonga amungba sentong March 10, 2017 nü tembangogo. Iba sentong atema senotsü DOPT-i agütsü.
Iba sentong nung shisalen tuyurtemi jembitsü ajungmesoba, nisung ka dak tashi ita inyaktetba sempet, kija aser lokti nüngdakbatem, mapa inyakertem ka dak nüngdakba sempet tajung, o agi mesüra o mejembii sensak asemba, Swachh Bharat Abhiyan, e-Governance, tebilemtsü koktetba aser telemtetba shitak agiba, mangatettep adokdang azüoktetba, lenisüba aser team tashi ita nokdangba, mapang amshiyim, shisatsü chiraperaba aser nükjidong shitak yutetba tem onük nung tesayuba balala agütsü.
ATI Kohima nungi shisalen tuyurtemi Nagaland Government State Service Conduct Rules of 1968, Nagaland Services Rules 1967, File Ketdangsüba, Noting & Drafting Skills, Forms of Communications, RTI Act 2005, Maintenance of Service Books, Seniority & Promotion, Cyber Security, NPS, Course Evaluation aser Disaster Management angatetdakja tesayuba agütsü.
Training dak keta aliba ama March 04, 2017 nü Shiyong yimtaki field visit ao. District nung aliba nüburtem libaliro, inyakyim, rongsenkettsüng aser sobaliba angatettsü aser item nung tebilemtsütem adokba den yimtak terenlok mapatem ajanga temelenshi bener arutsüba asadangtsü asoshi parnok iba field visit ya ao.
Training nung adenertemi yimtaklirtem den senden mena sensak asem aser iba sülen Süngo lu aser Orchard Cardamom Alu tem semdanga liasü.
Ano March 09, 2017 nü parnoki Mon nüngshilong aliba tesem nung ‘Mission I Love My Mon Town’ (ILMMT) den lokteper merükmeju mapa inyaka amung.
Iba sentong tatemnü Mon ADC-i Training agirtem nem kuli kakettem lemtsü.
February 28, 2017 nü nungi tenzükba iba training nung Mon district kübok aliba department balala nungi adener ajak agi nisung 34 liasü.