Mon jila nung inter-school poster competition ayonga agi

Mon, Mongputeni/October 24 (TYO): Mongputeni/October 24, 2018 nü Mon DC’s conference hall nung ‘Beti bachao, Beti Padhao’ omen nung ajemdaker Inter-School poster competition 2018 ayongzüka agiogo.
Iba sentong nung okila jembidang Mon Deputy Commissioner, Thavaseelan K, IAS-i, multi sectoral action kübok shima aliba districts rongnung Mon densema lir, kechiyong 2001 census nung CSR ajemba tarensen tanabuba nung Mon lir, ta metetdaktsü.
Poster competition ayongzükba nükjidong ya tetsür aser tebur na kasa züngshia shisaliok agutsütsü aser tetsür/jalatem nem tashi agutsütsü atema lir.
Iba sentong ya Asst. Commissioner (Probationer) Mon, Dharam Raj IAS leniba nung agi aser Asst. District Education Officer, Mon-i tepela anküp o jembia takok angur nem sempet agutsü.