Mon jila nung online ajanga electricity bill agutsüba sentong agi

Dimapur, September 19 (TYO): September 18, 2017 nü DC’s Conference Hall Mon nung Department of Power-i ayongzüka ‘Online Electricity Bill Payment’ Awareness sentong ka kaogo, aser iba sentong nung Mon DC, W. Honje Konyak-i Mon District kübok Online Electricity Bill Payment tenzükja liasü.
Sentong nung Er. S.I. Asangba Tikhir-i power point presentation ka ajanga online ajanga Electricity Bill agütsüba yimya sayua liasü.
Küm pezü tejaklen state nung online payment inyakyim ya tenzüka liasü, saka iba maparen ya Mon District nungbo July ita nung ang tenzük, ta paisa metetdaktsü.
Iba dak sendakba nung pai nüburtem dang online electricity Bill payment indang rajema kümdaktsütsü nüngdak, kechiyong iba ya ajanga nüburtem, talisa electrical officer tem mapa tepungbaba akumtsü, ta metetdaktsü.