Mon nung angati detox camp ayonga agiogo

Mon, Monupii/May 02 (TYO): De-Addiction & Rehab Centre, APMC, Campus One, Mon nung ita shia khen angati Detox Camp katsütsü atema Monupii/May 1, 2018 nü camp tenzükogo, ta ketdangsertem osang ka ajanga metetdaktsü.
Iba sentong nung tetushi tejaoker o jembidang Mon Deputy Commissioner, Thavaseelan K, IAS-i iba camp nung adenertem dang pei taküm nung pei kibur süa lokti nung tongtibang shilem ka agitsü aser iba nungjagi tajangzük angutsü atema ayongzük.
Deputy Commissioner, Thavaseelan-isa camp nung adenertem tekaraba nung shi aser tanela naprongla nung taneptsü angutsü lemsatep.
Iba camp nung yim 14 nungi clients 28 aser centre nung alir clients 12 dena liasü.
Kasa sentong nung Lumei, KNSK President aser Longyim Tsudir DPO, DAPCU-Mon natia o tatsütsü jembi aser De-Addiction & Rehab Centre, Mon Director, N. Neangba Konyak-i lokti pelaa agizükba o jembia liasü.