Mon nung ‘Beti Bachao Beti Padhao’ campaign agi

Mon, Luchii/December 06 (TYO): December 6, 2018 nü DC Conference Hall, Mon nung ‘Pre-conception and Pre-Natal Diagnostic Technique Act 1994’ (PC&PNDT Act) nung ajemdaker “Beti Bachao Beti Padhao” campaign agiogo, ta tanü ketdangsertem osang ka ajanga metetdaktsü.
Iba campaign programme ya Deputy Commissioner, Mon, Thavaseelan K, IAS-i ketdangsüa agi aser Extra Assistant Commissioner, Mon, Imliwabang Aier, NCS-i power point presentation ajanga PC&PNDT Act 1994 indang metetdaktsü.
‘Beti Bachao Beti Padhao’ tetezü “tetsür chanu kümzükang, tetsür chanu züngdakjang” lir. Tetsür tebur ratio ajemba tebilemtsü aser tetsürtem nem tashi agutsütsü atema iba scheme ya 2015 küm January 22 nü Ato kilonser, Narendra Modi-i tenzükja liasü.
2011 census nung ajemdaker Child Sex Ratio (CRS) tajemtiba tanabuba jenjang nung Mon district liasü.