Mon nung Breast Cancer Screening Camps agi

Dimapur, Tsüklai/Feb. 20 (TYO): District Administration, Mon ajanga Beti Bachao Beti Padhao sentong kübok February 3 nungi February 15, 2020 anogotem nung Mon district nung tetsürtem atema Free Breast Cancer Screening Camps ayongzüka liasü. UMANG nung NIRAMAI technology (Non-Invasive Risk Assessment with Machine Intelligence) amshir. Iba yimya nung breast cancer screening agiba ajanga clinical exam nung putetba dang nungi ponguben agi tilaba tumor puteter, koba temang nung mokongshir, mashi aser radiation atema angadi lir.
Iba angadi breast cancer screening camp tem ya Tizit, Aboi, Tobu, Naginimora, Mopong, Longching, Phomching aser Chen town nung agia liasü, kong tetsür 661 tendanga nisung 43 dak tashidak putet.
Iba ama sentong takok ngua inyakba asoshi Deputy Commissioner Mon, Thavaseelan K, IAS ajanga UMANG, District Medical Department, Konyak Nyupuh Shekho Khong (KNSK) aser nüburtem dang pelaba sangdong ka ajanga lemsatep.