Mon nung Covid-19 awareness sentong agi

Dimapur, Luroi/August 3 (TYO): Alima ajunga nung COVID-19 wara pokteter aliba mapang ka nung PHED Mon division-i August 3 nü PHED Store, Mon division nung awareness sentong ka ayongzüka agiogo. Iba sentong ya sanitation aser WSSO, (PHED) Kohima-i senotsü teyari agüja ayongzüka liasü.
Sentong nung Medoseto Kiso (IEC Consultant) Mon-i o jembiba mapang, merekmejua alitsü, tetsüngda ita inyaksangshitsü, mask asemtsü, mapang shia soap agi teka metsüktsü aser hand sanitizers amshitsü koda tongtibang iba indang jembia liasü. Iba sentong tembangba zülen Mon jila temeket nung poster campaign sentong ka ayongzüka agi.