Mon nung ‘cVIGIL Selfie Contest’ amenok

Mon, Metsüremi/March 28 (TYO): Election mapang party balalai aser candidate temi Model Code of Conduct aser Election Expenditure Monitoring ozüng anema sübokrem amshiba maparen sensopurtemi tashishiba agütsütsü atema March 27, 2019 cVIGIL introduce sütsüogo ta District Election Officer & Assistant Returning Officer, Mon, Thavaseelan K, IAS-i metetdaktsü.
Election Commission of India-i introduce sütsüba cVIGIL ya tongtibang IT tool ka lir.
Anungji, Mon District nung sensopurtem atema March 30 nungi tenzüka April 9, 2019 nü tashi District Election Office, Mon-i ‘cVIGIL Selfie Contest’ sentong ka ayongzüktsü.
* ‘cVIGIL Selfie Contest’ atema tutuyubatem yamai alitsü:
i. Google Playstore (Android) mesüra App Store (iOS) nungi cVIGIL App download süang.
ii. Iba app den selfie tangokang.
iii. ‘why I would like to use cVIGIL?’ nung message ka share süang.
iv. Iba message ji social media talisa Facebook, Twitter, Instagram nung….., Lok Sabha Election, 2019 atema ‘I am a cVIGIL, vigilant citizen ka, ta zülur, Join me by downloading cVIGIL’ aser hashtags #cVIGIL #IAMcVIGIL amshia share süang.
v. Iba selfie den message aser screenshot tem WhatsApp. no 7005766737 ajanga post süang.
vi. Entry tajungtiba 3 (asem) nem senpet sen 5000, 3000 aser 2000 agütsütsü.