Mon nung DAPCC senden amen

Dimapur, June 22 (TYO) : June 20, 2016 nü Mon nung District AIDS Prevention and Control Committee (DAPCC) senden amen.
Iba senden ya Deputy Commissioner, W. Honje lenisüba kübok Conference Hall, DC office, Mon nung amen.
DAPCU nung sorkar department tem, defence personnel, mulungtet teloktem, arogotem, kaketshirtem, NGOs, medical aser para medics nungeri shilem tajung agiba atema Mon DC, Honje-i sentong tenzüka o jembidang pelaba metetdaktsü.
Maneni luden nung züngsemtemi district nung HIV noktangtsü aser azüoktsü atema maparen meranga inyaktsü ayongzüker, ta Honje-isa ashi.
Senden nung District Programme Officer, DAPCU Mon Longyim Tzudir-i Mon district nung HIV aser AIDS noktangtsü atema inyakba osang metetdaktsü aser züngsemtemi yaritepba atema pelaba ashi.
Legislators’ Forum on AIDS (LFA)-i yaria arogo lennirtem den HIV & AIDS awareness programme agitsü indang osang paisa metetdaktsü.
Longyim Tzudir-isa, Mon district nung People living with HIV (PLHIV), Children affected by AIDS (CABA), aser Most at Risk Population (MARP) nunger ajangzüktsü atema Mon nung NSACS kübok aliba Facility Centres nung Social Protect Help desk tenzüktsü indang nükjidong lemsatep.
World Blood Donor Day 2016 amungdang Mon Voluntary Blood Donors Association (MVBDA) tentetba atema tenüngsang agütsü aser President Tongmeth Nekong aser Secretary C.Nahnyei nati anir mapa tajung tenzükba atema pelaba metetdaktsü.
Senden nungsa Mon Users’ Network (MUN) General Secretary, Sashi-i June 26, 2016 nü Mon nung International Day against Drug abuse and Illicit trafficking amungtsü atema tebilemba ka lemsatep aser ibaji tesentepertemi pela agizük. Iba sentong acha-ayangtsü atema teloki S.Lanu Aier, Add’l SP Mon-i anir programme coordination committee ka tenteta mapa lemzüktsü.
Senden nung EAC, Monyakshu Sentilong Ozukum-i Monyakshu nung OST services inyaksangshiba osang metetdaktsü.