Mon nung Free Enrolment Drive sentong agi

Mon, Chiteni/July 12, 2019 (Agencies): Mon district, Town Council Hall nung July 12, 2019 Hokolbarnü Ayushman Bharat Pradhan Mantri Jan Arogya Yojana (AB-PMJAY) ajangzükertem atema District Administration, Mon aser Department of Health & Family Welfare, Government of Nagaland na longjema anogo ka free enrolment drive sentong katsüogo.
Iba sentong nung Deputy Commissioner, Mon Thavaseelan K IAS-i ashiba agi, Empanelled Health Care Provider ajanga AB-PMJAY Scheme kübok küm shia secondary aser tertiary care hospitalisation atema sensak tia nung alir kibongtem ajangzükdaktsütsü nükjidong lir. AB-PMJAY ya angati health insurance scheme ka lir, ta pai shisem.
Socio economic caste census 2011 agiba mapang, Mon district nung kibong 25,996 shi liasü, kong 1, 73, 000 beneficiaries dak tema economic census nung züngoksema lir, ta DC-i metetdaktsü.
Iba scheme ajangzüktsü atema pei tenüng agütsütsü asoshi district nung beneficiaries tem ayongzüka liasü.
Maneni kasa sentong nung GIZ PMJAY Nagaland Consultant, Dr.Sao Tunyi-i Ayushman Bharat PMJAY indang nung jembi aser pai, Ayushman Bharat ya alima nung sorkari teyari agütsüba healthcare sentong tulutiba lir, ta ashi.
Iba sentong tembangba sülen, Ayushman Bharat Pradhan Mantri Jan Arogya Yojana (AB-PMJAY) nung beneficiaries tem atema free enrolment drive sentong ayongzüka liasü.