Mon nung HIV-TB Coordination senden kaogo

Dimapur, November 20 (TYO) : November 16, 2016 nü DAPCU Mon nung HIV-TB Coordination senden, DAPCU Mon, District Programme Officer Longyim Tzudir-i tarurtem pela agizüka tenzük.
ICTC-DMC indang metetdaktsüdang pai, ICTC-DMC staff aser parnok den lokteper inyakba NGO temi nüburtem nem service junga agütsüteta inyakyim tajungba akümtsü atema ‘linkages aser referrals’ tem tashi itshitsüla, ta ashi.
DTO, Dr. Tiasunep-i RNTCP nung tongtiba teinyaktsütem rasaa ashi aser HIV-TB anepalutsü atema temetettsü tasen kar lemsatep.
Ano MO I/c LAC+ DH Mon, Dr.Yingnei-i iba tashidak anepaludang tetsükdaktsü alibatem lemsatep.
APM CHAI (Project Axshya), Nishant Apekka aser CHAI Mon, District Coordinator, Kehile Semp nati parnok tongtibang teinyaktsütem ashi aser parnok lungjemer district nung TB tashidak alirtem anepaluba den iba tashidak nokdangtsü atema inyaktsü nükjidong lir, ta ashi.
DAPCU aser RNTCP nati HIV-TB nokdangtsü atema mapa tajung inyakba atema pelaba metetdaktsüdang CMO Mon, Dr. U.K. Konyak-i, CHAI (Project Axshya)-i inyakyim balala ajanga district nung TB tashidak meteta aliyim aser putetba nung yariba atema kanga pelar, ta shisem.