Mon nung Inter-school speech competition agiogo

Mon, Metsüremi/March 12 (TYO): Mon district kübok March 11, 2019 Hombarnü Deputy Commissioner Conference Hall nung ‘Importance of Girl Child in the Society’ onük nung ajemdaker Inter-School Speech Competition ayonga agia liasü.
Iba sentong nung EAC & Nodal Officer BBBP Mon, Imliwapang Aier-i, Mon district nung ita shia tanabuba Hombar anogoji ‘girl child day’ anogo asütsü Mon District Administration-i lemtetba ka indang shia liasü.
Inter-school speech competition nung Sacred Heart School, Mon nungi Shongmet M Konyak-i mezüngbuba jenjang nung takok ngua liasü.
Kasa tetoktepba nung St. John Higher Secondary School, Mon nungi Yingkhao aser Police Unit School, Mon nungi Ngunlen C Konyak nati jenjang tanabuba aser tasembuba nung takok nguogo.
Iba tetoktepba nung takok angurtem nem DC Mon, Thavaseelan K, IAS-i sempet aguja liasü. Sentong nung Assistant Commissioner Mon, Dharam Raj, IAS aser Vitokha Yepthomi, EAC Mon Hq na tetendanger liasü.
Beti Bachao Beti Padhao (BBBP) kübok District Administration, Mon-i inter-school speech competition ayongzüka liasü.