Mon nung International Women’s Day 2016 amung

Dimapur, March 8 (TYO) : Mon nung Mon District Legal Services Authority aser Konyak Nyupuh Sheko Khong (KNSK) longjemer International Women’s Day 2016 ayongzüka amung.
Iba sentong ya Council Hall, Mon nung ayongzüka agi aser MDLSA Mon Secretary, Phuleto Yeptho-i okila jembidang International Women’s Day amungba aser UN-i alima nung tebur aser tetsür ajak kasa ta asüba tangatetba ajungkettsü atema mapa inyakba osangtem metetdaktsü.
Sentong nung KNSK tir, Lomei Konyak-i tesentepertem ajak pela agizük aser lai ashiba agi March 8 anogoji tetsürtem asoshi anogo balaka lir kechiyong iba anogomung ajanga tetsürtemi lokti nung shilem agiba ajiteter.
Sentong nung tongti o jembirtem Panel Advocate, Limasenla-i “Domestic Violence Act & Victim Compensation Act”, APP, Mon, Temsu Masen-i “Women & Child Labour Act and Child Trafficking Act”, Panel Advocate, Shenyou Walim-i “Maintenance Act CrPC 125” aser Panel Advocate, Dominic Kaiba-i “Right to Education (RTE) for Girl Child” onüktem jembi.
Iba sentong nungsa World Vision-i Mon district nungi takotet tetsür 12 nem tenüngsang agütsü, Advisory Board, KNSK-i ken ka aten aser General Secretary, KNSK Yeihlem Konyak-i anküp tepela o jembi.