Mon nung Job oriented training agi

Mon, Mongputeni/October 10 (TYO): Skill Development, Government of Nagaland kübok Mongputeni/October 9, 2018 nü Mon town council hall nung “Learn to Earn” omen nung ajemdaker job oriented training programme ka agiogo, ta ketdangsertem osang ka ajanga metetdaktsü.
Iba sentong nung okila jembidang Mon ADC, Kumar Ramnikant, IAS-i iba organization teinyaktsü shilemtem metetdaktsü aser lanurtem ajungshia liasü.
Orientation training osangtem Varun Gaba (Project Head, Learn to Earn)-i metetdakja liasü. Iba sentong nung school balala nungi kaketshirtem, Office balala nung tekolakpurtem, melungtet teloktem, KSU aser MTSU züngsemtem dena liasü.

You must be logged in to post a comment Login