Mon nung Long Lasting Insecticide Net (LLIN) alemer

Dimapur, April 11 (TYO) : April 8, 2016 nü CMO office Mon nung Long Lasting Insecticide Net (LLIN) alemba sentong agi aser iba nung ADC Mon, M.A. Shihab IAS tongti o jembir liasü.
Sentong nung CMO, Dr. U.K Konyak-i tesentepertem ajak pela agizük aser pai LLIN indang temetettsü ashi.
Iba merla sü nung mozü enoka lir aser iba jagi merla aser shiruru tilatem tepseter. Merla süji küm 5 bosa mesüra 20 ben shidoka amshitsü akok, ta pai metetdaktsü.
ADC Mon, Shihab-i LLIN lema agütsü aser pai ashiba agi department tem rongnung health department-i mapa kanga inyaker.
Paisa, Health department dang maneni nüngdakbapurtem yaritsü asoshi mapa inyaktsü ayongzük.