Mon nung Measeles-Rubella vaccination workshop agiogo

Mon, Luroi/August 13 (TYO): Luroi/August 13, 2018 nü Council hall, Mon nung Measles-Rubella Vaccination Campaign atema workshop ka ayonga agiogo, ta ketdangsertem osang ka ajanga metetdaktsü.
Iba sentong nung shisalen sayurtemi Dr. K. Elizabeth, MO SHP; Dr. Kumkiuba, MO; Dr. Thungbeni, MO SHP aser Maiwang Co-ordinator SHP nunger liasü.
Sentong nung shisalen sayurtemi tanur arishi ita 9 nungi arishi küm 15 tsüngdapur nem MR vaccine agutsütsüji kanga tongtibang; 2020 küm tashi nungbo India nung Measles-Rubella tashidak malitsü atema tanur ajak nem iba vaccine agutsütsüla, ta metetdaktsü.
Parnokisa MR campaign takok ngua agitsü atema ANMs, AWWs aser ASHAs teinyaktsü shilemtem metetdaktsü.
MR campaign ya Mongputeni/October 3 nungi tenzüktsü. Tanü iba workshop/training nung Mon Block Task Force on Immunization kübok ANMs 18, Anganwadi workers 55 aser ASHAs 37 aden.
Iba sentong ya BPM Mon Sadar, Pongchai Konyak leniba nung agiogo.