Mon nung moko indang awareness sentong agi

Dimapur, Tsüklai/February 12 (TYO): National Tobacco Control Programme (NTPC) kübok District Tobacco Control Cell, Mon ajanga February 11, 2021 nü Deputy Commissioner, Mon indang office nung moko indang awareness sentong ka ayongzüka agia liasü.
Iba sentong nung shisalen sayur ya Nodal Officer NTPC Mon Dr. I. Simon Sumi liasü, shibai moko ajanga nisung temang nung timtem agütsüba indang onük nung ajemdaker jembi.
Moko ajanga temang nung timtem agütsüba indang video tatsüka iba sentong nung sayu.
Iba sentong nung ADC Mon HQ, Rahul Mali, IAS; SDO (Civil) Ilika Zhimomi, NCS; EAC Chubasanen NCS; Dobashis aser Deputy Commissioner, Mon indang office nungi staff tem dena liasü.