Mon nung nutrition dak sendakba sorochokyim sayu

Mon, September 19 (TYO): September 19, 2019 nü Rashtriya Poshan Abhiyaan indang Mon block convergence action plan committee-i Totok Chinglen aser Totok Chingnyu A, B, C & D yimtsüngtem atema nutrition indang socochoyim sayuba sentong ka ayongzüka katsüogo, ta ketdangsertem osang ka ajanga metetdaktsü.
Supervisor, Social Welfare Department Mon, L. Amei Konyak, Mon Project kübok Block Coordinator, Yingphe Konyak aser Anganwati nung inyakertemi item tesayuba agüja liasü.
Parnoki tetsürtem, talisa tainlonglong tetsürtem aser mama yngdaktsür tetsürtem dang nutrition koda tongtibang, iba indangji metetdakja liasü.
Parnokisa, kinü tanur ka arishi ita trok tashi tetzü mamatzü nung aliba nutrition agi perir, ajisüaka iba sülenbo tanur ka aintsü, angazüktsü aser tashidak balala den raratsü atema chiyungtsü tapu balala agütsütsü nüngdaker, ta metetdaktsü.
Chiyungtsü balala achiba ajanga nüngdakba nutrition angur, aser ibaji temang anema tashi itta alitsü atema tongtibang, ta parnokisa metetdaktsü.