Dimapur, May 22 (TYO): May 22, 2017 nü Government Higher Secondary Mon ‘A’ nung Mon District Legal Services Authority (MDLSA)-i ayongzüka “Climate Change is a Threat” omen nung otsüno (essay) tetoktepba sentong tajung ka agiogo.
Iba tetoktepba nung kaketshir ajak agi parnok 43 aden aser mezüngbuba jenjang, tanabuba aser tasembuba jenjang nung takok angurtemji- C. Ateih Konyak, Jewang Konyak aser Lemya nunger liasü.
Takok angur parnok asem nem senpet- sen 3000, 2000 aser 1000 agütsü, iba den külemi shilem agir ajak nema certificates agütsüogo.
Iba tetoktepba nung tendangertemji MDLSA nungi Panel Lawyer asem- N. Mannon, Dominic Kaiba aser M. Moba nunger liasü. Iba sentong nung N. Mannon-i okila jembi aser M. Moba leniba nung sentong agia liasü.
Mon nung otsüno tetoktepba ayonga kaogo added by nungsang on
View all posts by nungsang →
You must be logged in to post a comment Login