Mon nung outreach sentong ka agi

Mon, July 31 (TYO): July 31, 2019 nü Council Hall, Mon nung Pradhan Mantri Kaushal Vikas Yojana (PMKVY) kübok TUSTI Foundation outreach and mobilization programme agiogo; iba sentong ya Mon District Administration-i nungita liasü, ta ketdangsertem osang ka ajanga metetdaktsü.
Iba sentong nung shisalen sayurtemji TUSTI Foundation nung Somrath Roy Chowdhury, Nikita Chetri aser Minakshi Sangma nunger liasü.
TUSTI Foundation kübok Aviation, Hospitability aser Tourism atema ita asem angati training agütsür, iba sülen linük tesem balala mesüra bendanglen mapa maongka agütsür, ta parnoki metetdaktsü.
TUSTI Foundation ya National Skill Development Corporation (NSDC) kübok registered training provider ka lir aser Directorate of Skill Development, Employment & Entrepreneurship, Government of Nagaland den empanelled Training Partner ka lir.
Parnoki lanurtem dang PMKVY 2.0 nung züngsemtsüla, kechiyong ibaji ajanga tapet Oriented Skill training agütsütsü aser Government Certification agütsütsü, ta metetdaktsü.
Iba sentong nung Mon jila nungi lanir 30 dena liasü.