Mon nung Vigilance Awareness Week mongogo

Dimapur, November 03 (TYO): November 03, 2016 nü Block Development Office Mon nung ‘Vigilance Awareness Week’ mongogo; iba sentong nung EE DRDA Mon, Er. Chopongse Sangtam shisalen sayur liasü.
Vigilance teratet indang jembidang Chopongse Sangtam-i shilem agirtem dang mapang ajak nung kanga kümküma alitsü ayongzükba den külemi asen lokti nung ochi sobaliba ajungkettsü atema nüburtemi ochimashi mapatem idangyongjisa nokdangtsüla, ta ayongzük.
“Ochi aser nendaka inyakba medenibo lokti aser nijaji ochimashi,” ta paisa metedaktsü.
Paisa sentepa alirtem dang temzüng nung lateta aliba ama inyaktsü aser ketdangsüba mendenji pei nija tajangzük atema mamshitsüla, ta metetdaktsü.
Kasa sentong nung PD DRDA Mon, Tsalito Sangtam-ia Vigilance Week koda tongtibang, iba indang lemsatep aser pai ketdangsüa tenangzükba agia liasü.