Mon nung Walkaton den Screening camp repsema agi

Mon, September 25 (TYO): September 25, 2019 nü Council Hall, Mon nung Walkathon den Integrated Community Sensitization-cum-BIS drive tenzükba aser Health Screening Camp agiogo, ta ketdangsertem osang ajanga metetdaktsü.
Iba sentong nung jembidang Mon Deputy Commissioner, Thavaseelan K-i, Ayushman Bharat PMJAY ya alima nung sorkari fund agütsüba healthcare programme tulutiba lir, kong kibong kati angati health insurance sen lakh 5 angur, ta metetdaktsü.
Paisa, temsüa alirtemi sorkar aser nija hospitals nung item teyari agitettsü, ta ashi.
DC-isa, Mon district nung target beneficiaries ji 1,44,450 lir, aser parnoki Socio Economic Caste Census 2011 mapang nung list süogo, ta metetdaktsüba den külemi DC-i stakeholders aser adenshia alirtem dang iba indang awareness agütsütsü ayongzük.
DC-isa district nung Best Beneficiaries Identifying System operator, L. Bandwing nem certificate den senpet agütsü.
DC-i ICS, BIS drive aser Health Screening camp tenzükja liasü. Ayushman Bharat Pakhwara küm ka ajungba nüngtem nung DC-i Helipad ground nung walkaton tenzüktsü aser iba sentongji Council Hall, Mon nung tembang.
Chief Medical Officer, Mon, Dr. Kechongol Sophie-i, September 20 tashi nung district nung beneficiaries 41, 795 tenüng züluokogo aser parnok rongnungji nisung 321 bo District Hospital nung treatment agiogo, ta metetdaktsü.
Paisa, kodang nai PMJAY Scheme atema tenüng züluokdir ibaji ajanga hospital nung amongba mapang indokba sen ajak aotsütsü, ta metetdaktsü.
Sentong nungsa Ayushman Bharat Scheme ajanga tajangzük angur- Yanlong aser Apong nati AB-PMJAY scheme ajanga District Hospital Mon nung tajangzük anguba lemsatepa liasü. Iba sentong ya Departments of Health & Family Welfare, Social Welfare, Urban Development & Municipal Affairs Mon-i senpeter ayongzüka liasü.