Mon nung Y. Kikheto-i DPO office building lapoktsü

Dimapur, July 26 (TYO): July 26, 2017 nü Department of Land Resources, Secretary, Y. Kikheto Sema, IAS-i District Project Officer, Mon indang Office Building lapoktsü.
“Nagaland nung aluyimertem tonga oa yariteptsübaji department nung ketdangser aser staff tem dak dang keta lir. Mapang shitak nung iba office building yangluba atema tenüngsang agütsür aser maneni staff-i yaritepa mapa nendaka inyaktsü ajungmesor” ta Y. Kikheto Sema-i office lapoktsüdang ashi.
Nagaland nung Rubber, Coffee aser Tea atema nodal department ji Land Resources Department lir. Mon district nung itemji tsünütsü atema ali peria lir anungji aluyimertem nem tesayuba agütsütsüla, ta paisa ashi.
Sentong nung mendenji DPO, Land Resources Biren Chetri liasü aser Additional Deputy Commissioner Mon Shanavas IAS, Director Land Resources Hoto Yeptho aser Deputy Director & Supervisor Officer N. Kehie nungertemia o jembi.