Monaco GP: Daniel Ricciardo-i tan mezüngsüa Pole jenjang angur

Monte Carlo, May 28 (Agencies): Red Bull telok tenüng nung gari toktepa anishir, Australia nunger Daniel Ricciardo-i tekaratiba mapang nung alizüng tonga asüng, Deobar nü agitsü ayongba Monaco Grand Prix (GP) tetoktepba nung pole jenjang abentsü maongka tanü, Honibar nü nguogo.
Australia nunger Ricciardo-i minute 1 ser second 13.622 nung alizüng tonga tan mezüngsüa Monaco GP nung pole jenjang abentsü maongka angur lir.
Ricciardo sülen anidaka, Mercedes telok gari anishir ana – championship lenisang, Germany nunger Nico Rosberg aser toaba mapang takok marok 3 ben tashi agizüka alisang, Britain nunger Lewis Hamilton nati tanabuba aser tasembuba jenjang ngua liasü.
Ano, Ferrari telok gari anishir, Germany nunger Sebastian Vettel aser Force India gari anishir, Germany nungersa, Nico Hulkenberg nati pezübuba aser pungbobuba jenjang anguba osanga jangjaogo.