Mongchen Baptist Arogo lanur lennirtem arangshi

Dimapur, March 26 (TYO) : Mongchen Baptist Arogo Youth Ministry pur anogo asemnü Youth Leadership Training sentong ka agiogo.
Iba sentong ya March 21 nungi 23, 2017 tashi Life is Beautiful Retreat Center, Naga United Village Dimapur nung agia liasü.
Iba sentong nung shisalen agütsürtemji United Village Dimapur Pastor, Satemba, DABA , Asso. Pastor Toshi Lkr, Orofacial & Dental Clinic Kohima Dr. Lanumeren Mollier aser Model Christian College, Kohima Assistant Professor, Dr. Imtinaro Longkumer nungertem liasü.
Sentong nung Satemba-i Christian Leaders Testimony aser Christian Leaders & Tent making indang jembi, Toshi Lkr-i Christian Leaders in the Modern World, Dr. Lanumeren Mollier-i Substance Abuse aser Dr. Imtinaro Longkumer-i Soft Skills onüktem jembi.
Anogo asemnü sentong nung sarasadem mapang, tekülem mapang aser saisapong sentongtem agi aser tadenertemisa Science Center Dimapur semdanga liasü.