Mongolian boxing tourney nung Devendro, Ankush na final-i iogo

New Delhi, June 24 (Agencies): Commonwealth Games silver-medallist L Devendro Singh (52kg) aser Ankush Dahiya (60kg) na Mongolia nung Ulaanbaatar Cup asaya final-i iogo.
Devendro-i Mongolia nunger asayar Gandulam Mungun-Erdene madak tetendanger ajaki pa pusema kokogo. Kasa mapang nung taoba mapang Asian youth silver- medallist Ankush, Russia nunger asayar Radna Tsibikov den asaya split decision agi akok.
Ajisüaka India nunger asayar asem; K Shyam Kumar (49kg), Mohammed Hussamuddin (56kg) aser Priyanka Chaudhary (60kg) nunger semifinal asaya nung tsüka silver medal dang ngutetogo.
Deobarnü final asaya nung Devendro Indonesia nunger Aldoms Suguro den asayatsü.
Maneni arishi küm 19 tain Ankush Korean nunge rasayar Man Choe Chol den asayatsü. Ankush yaküm küm tatem len youth nungi elite level-i melenba sülen iba asayamong ya pa asoshi tanabuba international asayamong lir.
Shyam Kumar shibai taküm Thailand, King’s Cup nung gold medal ngua liasü pa Rogen Ladon-i tsükdaktsü.
Hussamuddin Mongolia nunger Bat-Ochir Tumurkhuyag-i semifinal nung tsükdaktsü aser tetsür asaya nung Priyanka Korea tsür Hye Song Choe-i tsükdaktsü.