Mongsenyimti Kaketshir Telongjem-i ayonga MAIETAM award agütsüogo

December 17, 2016 anogo MAIETAM nung Board of Trustees züngsem-tem aser award angur shisaluyimertem külemi telongjem noksa agiba angur.

Dimapur, December 18 (TYO): December 17, 2016 nü Mongsenyimti Kaketshir Telongjem-i “Martemsu And Imsutola Educational Trust Award Mongsenyimti” (MAIETAM) Trust Award agütsü.
Iba award mezüngbuba agütsüba sentongji Mongsenyimti Community Hall nung takok ngua agitetogo.
Mongsenyimti Kaketshirtem shisaluyimba wadang nung tali temulung agütsütsü aser meranga azüngba ajanga “Tetangshi Kaketshir” ka-ka kümdaktsütsü omen nung ajemdaker iba Trust award agütsür.
Iba Trust award ya Mongsenyimti süngkümshi telungtet nung aliba school pongu (High school ka, Primary school asem aser private school ka) nungi class 1-9 nung tematiba jenjang angur (class toppers) nem aser Nagaland Board of school Education (NBSE) kübok agiba High School Leaving certificate (HSLC) tatidang nung temaba jenjang angur (Toppers) nem agütsür ta award agütsüba mapang MAIETAM committee züngsem Tongpang Ozükum, taoba NSF president ajanga shia liasü.
Mezüng küm iba Trust award angurtemji, Class 1 nungi Temjennungla (St. Mary`s Residential school), Class II nungi Moanenla (St. Mary`s Residential school), Class III nungi Moayangla (St. Mary`s Residential school), Class IV nungi Imkumsola (Govt. Primary school Imrongtema), Class V nungi Marnungtet (Govt. High school), Class VI nungi Ayimsenla (Govt. High school) aser Class VII nungi Rongsanen (St. Mary`s Residential school) liasü aser parnok shia nem sen senpet 3000/- den certificate aser Class 9 nungi Imlinenla (Govt. High school)-i sen 5000/- den certificate ta agizüka liasü.
Iba sentong Wb. Imotong Pongen-i ketdang süa aniba den Mongsenyimti Arogo sannüker Imli Ozükum-i sentong moaja sarasadem aser Wt. Watienla Jamir, retired Horticulture director ajanga tepela O jembi aser Mongsenyimti village council nungi Wb. N. Chizung Ozukum Aola-i tajungshi O jembiba den award angur nungi Kr. Imlinenla-i O tatsüka jembia liasü.