Monica Bellucci-i Shah Rukh Khan akhümtsübur

London, November 3 (Agencies) : Italy tsür Monica Bellucci-i “Spectre” film nung Bond girl shilem agir aser lai ashiba agiba agi lai Bollywood superstar Shah Rukh Khan sakloker.

Arishi küm 51 tain Monica-i ashiba agi lai mezüng Morocco nung Shah Rukh den ajurutep aser iba mapang lai pa saklok.

Osangbenertemi la dang Bollywood nung shilem agitsü jangrar asü masü ta asüngdangdang, “Bollywood nung shilem agitsü atema ni kecha meshitettsü. Ni ken metenteter aser metsüngsangteter, saka ni Morocco nung Shah Rukh khen ajuru aser pa mulungsentsü tajung aketba nisung ka lir. Ni pa den ajurutepba atema pelar aser pa akhümtsübur” ta langzü.

“Bollywood nung sempet aketer aser director tajung aika lir aser tanü Indian Cinema kanga junga kümogo” ta London nung Spectre film sayaba sentong alidang Bellucci-i osangbenertem dang ashi.

“Spectre” ya James Bond film 24 buba lir November 20, 2015 nü India nunga English, Hindi, Tamil, Telugu oshitem nung iba film sayatsü.