Monte Carlo: Murray-i Nadal den semifinal asayatsü

Monte Carlo, April 15 (Agencies): Britain nunger World No. 2, Andy Murray-i par quarterfinal asaya koka Spain nunger Rafael Nadal den tang tasayadak Monte Carlo Masters tennis asayamong semifinal asayatsü jenjang tanü, Hokolbar nü nguogo.
Tan asayamong nung 2 buba jenjang abener, Murray-i tanü points 6-2, 6-0 ngua Canada nunger Milos Raonic tsükdaktsü.
Murray-i Raonic den 5 ben tashi ajurutepa asayadang Raonic madak tan agi 3 ben buba takok angur lir.
2005-2012 tashi Monte Carlo takok marok 8 ben tashi agizüksang, Nadal-ia ghonda 2 nung points 6-1, 6-4 ngua Switzerland nunger Stan Wawrinka quarterfinal asaya nung tsükdakja liasü.
Tan asayamong nung 5 buba jenjang abensang, Nadal-i 2009 aser 2011 na nung Murray madak semifinal asaya akokba osanga jangjaogo.
Ano külen, France nunger Jo-Wilfried Tsonga-ia par quaterfinal asaya koka semifinal-i aiba osang jangjaogo.
Tsonga-i tanü points 3-6 6-2 7-5 agi tan asayamong nung 3 buba jenjang abener, Switzerland nunger Roger Federer madak takok ngua semifinal asayatsü jenjangji ngua liasü.