Monte Carlo: Rafael Nadal final tongogo

Monte Carlo, April 16 (Agencies): Spain nunger tennis asayar mongin, Rafael Nadal-i Britain nunger Andy Murray semfinal asaya nung tsükdakja tang tasayadak Monte Carlo Masters tennis asayamong final asayatsü jenjang tanü, Honibar nü ajangzükogo.
Taoba mapang Monte Carlo takok marok 8 ben tashi agizüksang, Nadal-i tanü points 2-6 6-4 6-2 ngua World No. 2, Murray tsükdaktsü.
Nadal-i France nunger Jo-Wilfried Tsonga mesüra France nungersa, Gael Monfils na rong nung ka den den final nung ajuruteptsü.
Nadal-i tanü mezüngbuba set nung tamakok ngua asaya saka tanüngba set anaprongla akokba yong pai tanü takok ngua liasü.