Moodlakatte Institute of Technology Graduation nung Angh, Acharya aden

Kohima, Mongputeni/Oct 28 (TYO): Mongputeni/October 27, 2018 nü Kundapur nung Moodlakatte Institute of Technology 11buba Graduation Day sentong nung jembidang Nagaland Angh, PB Acharya-i, taküm melenshitsü aser pei wadang nung jenjang tajungba akumtsü atema kaketshirtemi akok tashi oshi aika angazüktsüla, ta ashi.
Angh-isa pa lanuwa Udupi nung aliba bilemteta jembi.
Dean Sharnbasava University, Dr Lingaraj Shastri-i technology tasen atema tang aliba shisaliok inyakyim nung temelenshi nüngdak, ta ashi.
Tir onük jembidang Moodlakatte Institute of Technology Chairman, Siddhartha J Shetty-i, kaketshirtemi maneni angazüktsüla aser parnok shisatsü ajanga loktiliba yangertsüla, ta ashi.