Mool Singh Rathore tepseter 2 puogo

Diphu, June 26 (Agencies): Shishilembar Mool Singh Rathore khasetba dak sendakba nung Khatkhati police-i Dimapur police teyari agia June 25 aonung Dimapur nung lanur ana puogo.
Rathore ya June 23, 2019 aonung tepset.
Tenaji Md Azizul Islam (27) aser Nitesh Kumar Thakur (27) na ta jangjaogo. Azizul ya Balijan Khan Basti nung alir aser Nitesh ya Dimapur Sewak Rio Colony nung alir.
Hombar aonung Hatoka Mensing Tisso yimtsüng nung registration number plate maliba Alto gari ka angu. Iba ya Rathore tepsertemi amshiba gari asütsü akok ta temolung melemi bilemer.
Gari telung nung glove ka aser injang ana aliba angu. Iba gari anguba sülen police-i gari kibur bushitsü tenzüka liasü.