Mopung shingaia pua arutsü makok

“Mopungi koleni onnüdir, ilenji aoner aser nai iba olaji angashir, saka aji kolen nungi arur, aser koleni aor aji memetet. Tanela nungi asoba nisung shia yamaji lir.” Yohan 3:8

Nikodima, Farisi nunger tashir tulur ka aser nüburtem ajak tasüngdangdak nükdang nisung ka. Aonung Yisu dangi pa tasüngdangtsü aika bener aoba angur. tena sensaksem nung onük taret, tanaben asotsüba indang jembidang, pa ama tashitemeter nisung süaka pai Yisui jembiba mangatet. Nungtoko Physicist, Stephen Hawkins aser tanga scientist tangatetbaji, kodaser tazüngla nungi alima ka poktettsüba anungi Tsüngremi anüng aser alima yanglubaji kodanga masü ta nokdak. yamaji asenok tensa nunga, nisunger shisatsü agi metongtetba

Tsüngremer mapa angudang, yabo tamakoktsüa ta bilemertema lir. Tsüngrem tanelai mopung amaji kolen nungi, koba yimya nung aontsü aseni memeteti mapa inyaker. Saka aji asenoki memetetyongbo mopungji mali ta masü. Yamaji Tanela Temeshi mapa inyakbajia asenoki tenük agi munguaka, Pai inyakba kulijibo asenoki angur anungji asen mapa ajunga agi Tsüngrem nem bendanga agütsür Tanelai aniba ama anidaktsüji nungdaker.

Sarasadem :
Kibuba, iba alima nung onoki mangatetba aika alitsü akok saka Na ozü tesayur tajungtiba asünungji onok nem angatetdakjangma. Amen