Mopung tamajung aonba ajanga school shibanga atar: Malaysia

Kuala Lumpur, October 19 (Agencies): Malaysia nung mopung tamajung aonba ajanga linük yimtiba Kuala Lumpur den state aika nung kaketrejutem shibanga atatsü asoshi Hombar nü ketdangsertemi sangdongogo.

Education ministry-i, Hombar tashi nung mopung kanga memerüki akümba (Air Pollution Index (API) ajanga kaketrejutem shibanga atatsü asoshi sangdonga liasü, ta ashiba Malaysian Star ajanga metetdaktsü.

“Tan linük nung kaketrejutem shibangba ajanga school 3,029 nungi kaketshirtem 1,909,842 akoksatsü,” ta education ministry ajangasa ashi.

Malaysia, Singapore aser Indonesia tesem aika nung mopung nung anak aser gas tamajung dena aonba ajanga temang nung timtem jenti bener arutsüogo. Iba den külemi tayimtsü senzüba aser kaketrejutem aika khen tatsüka asoshi shibangdaktsüogo.

Iba ama mopung tamajung aonba ajanga October 4 nungi 6 nü tashi kaketrejutem shibanga liasü.

Iba mopung tamajung ya Indonesia nung aliba Sumatra aser Borneo asetkong arem nung mi adokba ajanga lir.