Mopungchuket nung akhi yimya nung ki ka asü

Dimapur, Rongjui/Sept. 02 (TYO): Akhi mapang nungi kidang amshiba osette, yimya aser yeka mapa wazüka aser asendenshidaktsütsü aser lanurtem nem angazükdaktsütsü nükjidong nung Ao Naga kin ajanga akhi mapang asüba yimya nung ki ka Süngkotenem Park, Mopungchuket yimdak Mopungchuket Community Tourism Society lenisüba nung yimtsüng nung alirtemi yanglua liasü.

Iba ki ya September 2, 2022 nü Jongpong, Pastor, Mopungchuket Baptist Church ajanga meshiteta sarasademtsü aser Arentemsü Lemtur, Village Council Chairman, Mopungchuket ajanga semzükja liasü.

Ao Naga kin temi akhi yimya nung asüba yimtsüng nung ki iba ya dang alitsü, kong akhi mapang amshiba ki oset yua lir aser iba ya ajanga yimtsüng tourism temaba jenjangi ajungkettsü imlar.