Mopungchuket nung Ao Temulung Table Tennis Championship akar

MDTTA tir, Watitoshi Ao (Tiyong)-i Ao Temulung Table Tennis Championship tenzüktsür külen PKSA züngsemtem aser Mopungchuket putu yimsüsür kar noksa nung angur. Mokokchung, July 3, 2017.

Mokokchung, July 3 (TYO): July 3 nungi Ao Temulung Championship 2017 ta sür Mokokchung district open table tennis asayamung ka tenzükogo. Iba asayamung ya Mokokchung District Table Tennis Association (MDTTA) den yaritepa Pongen Khel Sports Association (PKSA) Mopungchuket-i ayongzükba lir.
Taküm iba asayamung nung district balala nungi asayar 26-i shilem agidaki. Iba asayamung nung asaya tapu asem – Men’s Juniors (Under 19) singles & doubles, Men’s Seniors (Above 19) singles & doubles, aser Women’s open category, ta küma lemsar asayadaki.
Anogo ananü asayatsü aliba asayamung ya Mopungchuket Community Hall nung akar. Tanep iba asayamung ya MDTTA tir, Watitoshi Ao special guest ka ama arua pai tenzüktsü. Asaya ketdangsürtemji MDTTA nungi official-tem arua parnoki achayangdaki.